रौतहट, जेठ ०५ ।। रौतहट जिल्लामा किशोरी तथा युवतीहरूलाई सुरक्षित, आत्मविश्वासी तथा सशक्त बनाउने उद्देश्यले सञ्चालन गरिएको “सेफ गर्ल परियोजना” अन्तर्गतका ३० वटा प्रशिक्षण कक्षा सफलतापूर्वक सम्पन्न भएको छ । कार्यक्रम समापन अवसरमा सहभागी किशोरी तथा युवतीहरूलाई प्रमाणपत्र वितरण गरिएको आयोजक संस्थाले जनाएको छ ।
देवाही गोनाही नगरपालिकाको १० ओटा विद्यालय÷मदरसाको सहभागीहरुलाई प्रमाण पत्र वितरण गरिएको छ । देवाही गोनाही नगरपालिकाको जय किशान उच्च मावि धरहरी, माध्यमीक विद्यालय प्रेमपुर गोनाही, सरस्वती माध्यमीक विद्यालय देवाही, माध्यमीक विद्यालय कर्कच गुठी, आधारभुत विद्यालय उचिडिह, आधारभुत विद्यालय देवाही, आधारभुत विद्यालय टिकुलीया, हप्सा मदरसा करुनिया, आधारभुत विद्यालय कर्कच र मदरसा फत्मे लिलवनात करुनिया गरि १० ओटा विद्यालय÷मदरसाका १० वर्ष देखि १९ वर्ष उमेर समुहका २ सय ७५ जना छात्रालाई परियोजनामार्फत ३० ओटा कक्षा संचालन गरिएको थियो ।
कक्षामा छात्राहरुलाई किशोरी तथा युवतीहरूलाई आत्मरक्षा, लैंगिक हिंसा न्यूनीकरण, सुरक्षित सामाजिक व्यवहार, नेतृत्व विकास, आत्मविश्वास अभिवृद्धि, साइबर सुरक्षा, प्रजनन स्वास्थ्य, कानुनी अधिकार तथा सामाजिक सचेतनासम्बन्धी विषयमा प्रशिक्षण प्रदान गरिएको थियो । विभिन्न विद्यालय तथा समुदायका किशोरीहरूलाई लक्षित गरी सञ्चालन गरिएको उक्त कार्यक्रमले सहभागीहरूमा सकारात्मक परिवर्तन ल्याएको संस्थाले जनाएको छ ।
ग्रामिण विकास केन्द्र( आरडीसी) नेपालको साझेदारी संचालित किशोरी तथा युवातीहरुका लागि सुरक्षति एवम सहयोगी वातावरण सेफ गर्ल परियोजना कोरिया अन्तराष्ट्रिय सहयोग संस्था (काईका) तथा युएनएफपीएको सहयोगमा, गुड नेवर्स ईन्टरनेशनल नेपालले रौतहट जिल्लाको राजपुर, गौर, देवाही गोनाही, परोहा नगरपालिका र युमुनामाई गाउँपालिकाको विद्यालय तथा मदरसाहरुमा संचालनमा रहेको छ ।
देवाही गोनाहीका किशोरी तथा युवतीहरूका आरडीस नेपालद्वारा प्रमाण पत्र
